Á fyrri meðgöngu var ég ekkert að stressa mig á að skrifa hjá mér hvað ég ætlaði að taka með uppá spítala og dauð sá eftir því þegar við brunuðum svo uppá spítala með mjög litlum fyrirvara. Okkur bráð vantaði svo sem ekki neitt enda stoppuðum við stutt en það voru alveg nokkrir hlutir sem ég hefði viljað hafa meðferðis og þá aðallega dót fyrir mig sjálfa.
Að vera tímanlega að skrifa hjá mér það sem ég nota mest og vil hafa með mér uppá deild hefur líka róað mig helling og veit ég þá hvað ég ætla henda í tösku fyrir mig svona þegar eitthvað fer að gerast. Nú eru tvær vikur í settan dag, allt orðið hreint fyrir litla og hef ég ákveðið að nýta þessa viku í að dunda mér að pakka fyrir hann og einhverju svona helsta fyrir mig sem ég nota ekki daglega.
En ég veit það eru mörgum sem finnst gott að bera saman bækur sína og hafa lista svona til hliðsjónar og ætla ég því að deila mínum lista hér. Ég skipti listanum mínum í þrennt, fyrir mig, Frans og svo fyrir barnið.
SPÍTALATASKAN
Fyrir mig :
Mæðraskýrsla
Snyrtidót & Varasalvi
Shampoo & næring (lítið ferðasett)
Tannbursti & tannkrem
Hárbursti
Teygjur & spennur
Dömubindi stór
Brjóstainnlegg
Brjóstakrem
Íþróttabuxur / Kósýbuxur
Bolir
Sokkar, þykkir sokkar
Náttföt
Nærföt
Gjafahaldari
Föt til að fara í heim / Eitthvað þægilegt
Hleðslutæki
Vatnsbrúsi
Tyggjó
Verkjatöflur
_________________
Fyrir Frans :
Auka föt, sérstaklega boli eftir fæðinguna
Snyrtitaska
Tannbursta
Hleðslutæki fyrir símann
Myndavél & hleðslutæki
_______________________
Baby / skiptitaska :
Heimferðarsett / Húfa, peysa, sokkar, vettlingar
Náttgallar x2 st. 50
Náttgallar x2 st. 56
Samfellur x2 í st. 50
Samfellur x2 í st.56
Buxur með hosum (sokkum)
Leggings x3
Klóruvetlinga
Sokka x3
Bílstóll
Bílstólapoki
Teppi
Snuddur
Snuddubox
Taubleyjur
Bleyjur
Blautþurrkur
Undirbreiðsla
*Þessi færsla er ekki kostuð eða unnin í samstarfi*
