Ég elska að merkja öll leikskólafötin hennar Maísólar með límmiðum. Þetta gerist ekki einfaldara. Ég panta miðana á noskri síðu sem heitir Navnelapper.
Miðarnir eru eins og ég sagði með lími og þarf því ekkert að strauja í sem er mjög þægilegt. Ég hef notað þessa miða í rúmt ár og alltaf jafn ánægð. Ég hef pantað 2-3 pakka af miðunum en það koma 120 miðar í hverjum pakka.
Miðarnir koma síðan inn um póstlúguna eftir 4-6 virka daga og nota ég þetta í bókstaflega allt sem gæti týnst. Ég nota þetta á blautþurrkubox, snuddubox, glasið hennar, leikskólatöskuna, bangsana, sundföt, skó, útiföt, nærföt og öll fötin hennar.
Þetta hefur komið sér mjög vel og það sem hefur gleymst eða týnst hefur allt skilað sér. En til þess að panta til íslands þarf að setja 0 fyrir framan póstnúmerið þar sem þeir fara fram á 4 stafi á síðunni.
Hér er hægt að panta miðana 😀 !
*Þessi færsla er ekki kostuð eða unnin í samstarfi*
2 athugasemdir
Takk fyrir þetta, minnti mig á að drífa í þessu… Er ég samt eina um það að taka mér aaaðeins of langan tíma í að velja lit, munstur, letur osfrv.. Dagur 3 síðan að ég opnaði þetta og ég er ekki ennþá búin að ganga frá pöntuninni haha… Þetta fer á tjékk lista dagsins 😉
Hahah já ég var mjög lengi að velja líka svo ég skil þig mjög vel ! 😀