Eftir að við máluðum alla íbúðina og herbergið hennar Maísólar varð alveg hvítt fannst mér það verða mikið stærra og aðeins tómlegt. Ég var lengi að hugsa hverju mig langaði að bæta við herbergið en ég er alls ekki mikið fyrir að hafa of mikið af dóti heima hjá mér.
Ég lá aðeins yfir Pinterest til að fá hugmyndir og punktaði hjá mér jafn óðum hvernig liti ég vildi halda mig við og hvaða stíl. Þar sem rúmið og eldhúsið hennar er í svipuðum stíl ákvað ég að halda mig við það ásamt því að hafa allt hvítt áfram og bæta ljósbleikum lit við. Það sem mér finnst hentugt við að hafa allt hvítt er að það er auðvelt að skipta út bleika litnum í hvaða lit sem er fyrir lítinn pening.
Ég er ótrúlega ánægð með útkomuna og kostaði þetta okkur alls ekki mikinn pening en samtals var þetta um 13.000. Það sem við bættum við inn í herbergið var gólfmotta, náttborð, rúmföt, gardínur, spegill og hillur undir bækurnar hennar 🙂
Það kom mér á óvart hvað mottan og gardínurnar settu mikinn svip á herbergið en ég tók því miður ekki mynd áður en við settum mottuna inn til hennar. Ég ætla deila með ykkur nokkrum myndum bæði fyrir og eftir ásamt linkum á það sem við keyptum. 🙂
Það sem við keyptum í IKEA :
Motta
Hillur
Náttborð
Spegill
Gardínur
Gardínustöng
Rúmföt
En það sem ég fæ mikið af spurningum út í herbergið hennar þá ætla ég að deila því vinsælasta hér :
Eldhús – IKEA
Rúm – IKEA
Kommóða – IKEA
Loftljós – PIER
Stafaljós – Petit
Mynd fyrir ofan rúm – Petit
Mynd fyrir ofan bókahillur – Gunnarsbörn
Hilla á vegg – Söstrene Grene
Stafinn með M-inu á náttborðinu, fánaveifan & ramminn á vegghillunni gerði ég sjálf.
*Þessi færsla er ekki kostuð eða unnin í samstarfi við fyrirtæki*
