© Allur réttur áskilinn.
‣ Öll notkun & afritun á efni er óheimil.
S + F – 17. 08 ’19
Mig langaði að gera aðeins persónulegri færslu en ég hef verið að gera síðustu vikur & deila með ykkur nokkrum myndum úr brúðkaupinu okkar Frans. Við giftum okkur 17. ágúst ’19 !
Undirbúningurinn tók langan tíma enda ætluðum við upprunalega að gifta okkur ári fyrr eða sumarið 2018. Ég er mjög ánægð með ákvörðunina að hafa frestað þessu um ár þrátt fyrir að það hafi verið mjög löng bið. En allt þess virði!
Það gekk frekar brösuglega að ná að bóka sal, kirkju, hár & makeup og prest á sama tíma en 17.08 ‘ 19 varð okkar dagur sem er magnað að þegar ég fór að skoða gamla lista sem ég hafði skrifað niður dagsetningu þá var það eina dagsetningin sem ég skrifaði hjá mér en samt sem áður vorum við aldrei búin að tala um hana. Svona eru hlutirnir magnaðir.
Við giftum okkur í Háteigskrikju & vorum með athöfnina kl. 13.30 & er ég mjög ánægð að hafa fengið þá ábendingu að hafa kirkjuna frekar snemma en upprunalega ætluðum við að hafa athöfnina kl. 15.00 en þá hefði verið frekar stuttur tími í myndatökur. Við vildum fara í myndatöku fyrir veisluna en ég veit að margir fara í myndatöku á einhverjum öðrum degi en brúðkaupsdeginum sjálfum.
Við vorum svo með veisluna kl.17.00 á Grand Hotel í sal sem heitir Háteigur & er klárlega salur drauma minna! Svo mikill drauma salur að við breyttum dagsetningunni úr 20.júlí í 17.ágúst þrátt fyrir að vera búin að senda okkar nánustu vinum & fjölskyldu ,,save the date,, línu aftan á jólakorti – jáá þetta gekk brösuglega & getið ímyndað ykkur hvað ég var að fara á taugum.
Ég tók klárlega út allt stressið fyrri part árs varðandi sal, kirkju, prest, veislustjóra & allan pakkann því ég var svo óvenju slök á stóra deginum sjálfum. Það var um talað hversu róleg ég væri & höfðu mitt nánasta fólk áhyggjur af því að ég væri hreinlega að líða út af!
Við ákváðum mjög snemma að fá fagfólk í allt saman, eiga vel fyrir brúðkaupinu & ekki þurfa að stressa okkur á neinu á degium sjálfum. Fékk yndislegu Veru til að vera mér til halds & traust & miklu meira en það á deginum sjálfum & hélt hún bókstaflega utan um allt saman, þetta hefði aldrei rúllað jafn smurt ef hún hefði ekki verið þarna að gera það sem hún er best í. Ég mæli svo 100% með því að ráða manneskju í að ,,aðstoða,, á deginum sjálfum, sjá til þess að allt sé á sínum stað, að allir séu að ger það sem þeir eiga gera & brúðhjónin þurfi ekki að hugsa um neitt nema njóta.
Þið hafið eflaust tekið eftir því að ég elska blóm, ELSKA blóm!
Ég er mjög mikið með blóm heima hjá mér & finnst fátt fallegra en falleg blóm.
Það var löngu vitað að ég væri að fara vera með blóm í brúðkaupinu en blóm gera allt miklu rómantískara & hugsa ég alltaf um brúðkaup þegar ég sé falleg hvít blóm. Ég fékk hana Evu hjá Reykjavík Gift Shop til að sjá um salinn fyrir mig & auðvitað er hún blómakona að mínu skapi & fórum við all in og skreyttum kirkjuna, kirkjubekkina, sviðið í salnum & allt sem við gátum skreytt með blómum var skreytt!!
Salurinn var fallegur fyrir en guð minn góður, þegar ég sá salinn skreyttan! Það var eitthvað annað fallegt!
Ég vildi bara vera með hvít blóm, engin sérstök blóm bara nóg af þeim & mikið grænt með – Ég leyfði Evu að velja allar skreytingarnar & hefði ég ekki getað verið ánægðari með útkomuna. Einnig gerði hún blómakransinn fyrir Maísól, Brúðarvöndinn minn, barmblómin & skreytingarnar á bílinn.
En rúmlega tveimur mánuðum seinna erum við ennþá á skýi & erum svo himin lifandi með allt saman. Fengum svo myndirnar fyrir nokkrum dögum & höfum ekki getað hætt að skoða þær & ég viðurkenni það komu alveg hellingur af tárum að skoða þær aftur & rifja daginn upp. Ég verð að mæla með að fá góðan ljósmyndara fyrir svona stóran dag ásamt einhverjum í að taka upp video. Þessi dagur líður svo afskaplega hratt & það er svo dýrmætt að geta sest niður & rifjað upp daginn með að horfa á myndir & video.
Jæja núna er ég hætt … Ég gæti haldið endalaust áfram – Hér eru nokkrar myndir <3
*Þessi fræsla er ekki kostuð né unnin í samstarfi*