ATH þessa þarf að gera í hrærivél – Til eru aðrar uppskriftir af hnoðuðum
*Uppfærð uppskrift*
Hráefni
500 gr smjörlíki, mjúkt við stofuhita
650 gr sykur
4 egg
1 kg hveiti
6 msk kakó
2 tsk kanill
4 tsk negull
2 tsk matarsódi
5 dl mjólk
Aðferð
Ofninn hitaður í 180°C blástur
Smjörið og sykurinn hrært vel saman og bætið síðan eggjunum út í, einu í einu.
Þurrefnunum blandað út í og þynnt með mjólkinni.
Passa þarf að hræra ekki lengi eftir að hveitið fer út í svo kakan verði ekki seig.
Deiginu er skipt í 4 hluta eftir stærð ofnplötu
Deigið smurt á bökunarpappír og sléttið vel út
Mér þykir best að baka 2 plötur í einu
Bakað í 10-13 mínútur
Þegar allir hlutarnir eru orðnir kaldir er smjörkreminu smurt ofan á sléttu hliðina og raðað saman og skorið í kubba.
Best er að pakka hverjum kubb inn í bökunarpappír og síðan plastpoka yfir og beint inn í frysti.
Kakan er síðan tekin úr frysti og borin fram köld.
Smjörkrem
750gr smjöri
1250gr flórsykur
vanilludropar – Eftir smekk
Gott er að byrja á að gera helmings uppskrift af kreminu og gera síðan hinn helminginn.
Mér finnst skipta miklu máli að hafa vel af kremi á milli og geri þessvegna svona stóra smjörkrems uppskrift.
Úr þessari uppskrift koma 6 kubbar af kökum.
