Ég elska einfaldar og fljótlegar uppskriftir en kókoskúlurnar eru einmitt eitt það auðveldasta í bakstri.
Tilvalið að gera með krökkunum!
Það sem þarf :
2 tappar vanilludropar/vanillusykur
1 1/2 dl Kókosmjöl
3 dl Haframjöl
100 gr. Smjör
2 msk. Kakó
2 msk. Vatn
1 dl Sykur
Öllu er blandað saman í skál og hnoðað vel saman.
Búið til litlar kúlur, ca einn munnbiti, því minni því betri að mínu mati 🙂
Rúllið kúlunum upp úr kókosmjöli.
Gott er að setja kúlurnar í kæli í smá stund áður en þær eru borðaðar en það er ekki nauðsynlegt.
En best að geyma þær í kæli.
Einnig er hægt að minnka sykurinn, sleppa honum alveg eða nota stevíu.
Það er ótrúlega gamana að leyfa krökkunum að taka þátt í eldhúsinu og finnst mér þá þessi uppskrift brillant þar sem hún tekur stuttan tíma, hún getur hjálpað mér og engin bið.
