Ég var að prufa í fyrsta skipti að gera heimatilbúinn ís og var það mun auðveldara en ég bjóst við. Það tók ekki nema 36 mínútur!! Ég fékk gamla góða uppskift af ísnum en ég var búin að skoða aðeins á netinu allskonar uppskriftir og var óviss hvað væri best. Þetta er samt allt mjög svipað en ég lét reyna á uppskrift frá einni gamalli góðri konu og ætla ég að deila henni með ykkur hér.
Það sem ég notaði :
500ml rjómi
2 tsk. Vanilludropar
100 gr. Sykur
6 egg
4 stór Daim
Þeytti saman eggjarauðurnar ásamt 100gr af sykri, lét það verða þykkt og ljós appelsínugult.
Helti síðan 2tsk af vanilludropum áður en ég þeytti rjómann og þeytti vel.
Síðan blandaði ég rjómanum við eggjarauðurnar varlega.
Ég skar síðan niður Daim súkkulaði og blandaði varlega saman í lokin en það má nota hvaða súkkulaði sem er.
Ég helti ísnum síðan í form en ég notaði sílikonform sem ég keypti í Bónus.
Mig langaði að skreyta ísinn aðeins svo ég setti Daim kurl í botninn.
Úr þessari uppskift kemur ca. 2L af ís. Það er síðan mjög gott að bera ísinn fram með heitir sósu og ferskum ávöxtum en marssósa er í miklu uppáhaldi á þessu heimili svo ég læt uppskriftina af henni fylgja líka.
Mars íssósa:
2-4 mars stykki
1-2 dl rjómi
Bræðið saman í potti á vægum hita, passa að brenna ekki við. Kælið aðeins áður en borið er fram eða ca. 5 mínútur.
*Þessi færlsa er ekki kostuð eða unnin í samstarfi*
